យុវជន ២នាក់ បើកម៉ូតូឃ្លិកលឿនដូចហោះ សំដៅទៅបុករថយន្តដឹកដី ស្លាប់ទាំងពីរ
05-February-2016 | ដោយ ពល រាជសី
បាត់ដំបង៖ យុវជន ២នាក់ បានស្លាប់នៅនឹងកន្លែងក្នុងហេតុការណ៍គ្រោះថ្នាក់ចរាចរណ៍មួយបានកើតឡើងរវាងរថយន្តកូរ៉េដឹកដីបុកជាមួយម៉ូតូកាលពីល្ងាចថ្ងៃទី៤ ខែកុម្ភៈ ម្សិលមិញ ក្នុងភូមិកំពង់ពិល ឃុំវត្តតាមិម ស្រុកសង្កែ។
សាក្សីបានឲ្យដឹងថា នៅមុនពេលកើតហេតុគេឃើញម៉ូតូមួយគ្រឿងម៉ាឃ្លិកពណ៌ស គ្មានស្លាកលេខបើកបរជិះគ្នាពីរនាក់ក្នុងល្បឿនលឿនដូចហោះក្នុងទិសដៅពីលិចទៅកើតលុះមកដល់ចំណុចកើតហេតុផ្លូវកោងបានជ្រុលទៅបុកជាមួយនឹងរថយន្តកូរ៉េដឹកដីពណ៌ស ស្លាកលេខបាត់ដំបង 3A-1412 ក្នុងទិសដៅច្រាស់ទិសគ្នា បណ្តាលឲ្យយុវជនទាំង២នាក់ ស្លាប់នៅនឹងកន្លែង។
ជនរងគ្រោះទាំង២នាក់មានឈ្មោះ ចាយ ឡែម ភេទប្រុស អាយុ៦១ឆ្នាំ រស់នៅភូមិបោះពោធិ៍ ឃុំអូរដំបង១ ស្រុកសង្កែ ខេត្តបាត់ដំបង និងទី២ ឈ្មោះ សន ធិន ភេទប្រុស អាយុ៣០ រស់នៅឃុំអូរដំបង2 ស្រុកសង្កែ ខេត្តបាត់ដំបង។
ក្រោយកើតហេតុរថយន្ត និងម៉ូតូត្រូវបានសមត្ថកិច្ចយកទៅរក្សាទុកនៅការិយាល័យនគរបាលចរាចរណ៍ខេត្តបាត់ដំបងរងចាំធ្វើការដោះស្រាយគ្នាទៅតាមផ្លូវច្បាប់ ចំណែកតៃកុងរថយន្តបាត់រត់គេចខ្លួនបាត់ពីកន្លែងកើតហេតុ៕
ចំនួនអ្នកទស្សនា
- ថ្ងៃនេះ8751
- ម្សិលមិញ15191
- សប្តាហ៍នេះ51901
- ខែនេះ73781
- ឆ្នាំនេះ73781
- សរុប20516237